الأحد، 13 يناير، 2013

صفحتى على الفيس بوك

من ‏‎Magdy Mansour‎‏ في ‏‏11 يناير، 2013‏، الساعة ‏06:42 مساءً‏ ·‏


قررت إنشاء حساب على الفيس بوك .. حالى حال الناس المواكبين للعصر الحديث  توكلت على الله وكتبت للفيس بوك السيره الذاتيه إللى أنا مش عارف هوا ها يستفيد منها أيه ؟ لكن قبل أسئلة الفيس بوك المفروض أجاوب عنها سألت نفسى قبلها كل الأسئله .. عاوز تعمل الصفحه ليه؟.. علشان هوا موقع تواصل إجتماعى .. جميل.. طيب عاوز تتواصل مع الناس ليه ؟؟ وده سؤال يا عم الحج ؟ الدنيا من غير ناس ما تنداس والإنسان حيوان إجتماعى أنا أسف على حيوان دى بس دى الحقيقه  وبما أنى حيوان ناطق قلت يا واد خش وإتكل على الله ودارى نواياك الحيوانيه ..
ولزوم التخفى غيرت إسمى .. وكتبت على البروفايل ( إلليل لما خلى ) وصوره للقمر الحزين .. والفيس ده لقيته عالم من غير عنيين !! عامل زى قاع المحيط  ضلمه وبارد وفيه كل شارد ووارد .. وناس ..عاقلين .... ومجانيين .. وصادقين ...وكدابين .. ومفكرين  .. ومتكبرين.. وغاويين شهره .. ومنفسننين ومن كل دول هما إللى هيكون منهم صُحابى ومش عارف هاحب مين وهأيكرهنى مين .. بس الحمد لله إن الفيس بوك حط البلوك عاشان الناس المستغلسين.. إللى لما ما يعجبهمش حد ولا إللى مش عاجبين  .. لكن أقول الحق فيه كتير ناس محترمين ومميزين  .. لكن صعب اوى حد يلاقيهم ولو لقيتهم ياعالم يبقوا عدو ولا حبييب .. ومن سمات الفيس الإساسيه ( الإجتماعيه ) لكنها إجتماعيه بمذاق الإفتراضيه .. يعنى مش حقيقيه زى صور البنات كل البروفيلات ملكات جمال و فاتنات .. لكن الحقيقه إللى يمكن تكون حقيقه هيا الحروف وحسب الظروف ويا عينى على أصحاب الحروف .. إما مخدعوين من صحاب بيهللوا ويولولوا .. او مفيش
أخيراً حتنى قناعه .. كده من نص ساعه.. بعد كل هادى السنين إن يكون حسابى حقيقى بإسمى الحقيقى  وأعمل للصفحه باب  وأنشرعليه كل ما أحب اقوله ليا أنا وأكون أنا الحقيقى وأكون صديقى
ولو لقيت صديق حقيقى .. هاتقولى إزاى حقيقى ؟ أقولك من حروفه إللى هاتظهر وكأنها الوان عنيه .. معلهش يا فيس أن بخالف  إللى إنت عودت الناس عليه
مجدى منصور

هناك تعليق واحد :

  1. تسأولات محتارة واجوبه مختارة

    ردحذف